खानेपानी र सरसफाईमा विशेष ध्यान दिएका छौं : मन्त्री थापा

२९ चैत, काठमाडौ । स्वास्थ्य मन्त्री गगनकुमार थापाले स्वास्थ्यको क्षेत्रमा दीगो विकास अन्तर्गत स्वास्थ्य मन्त्रालयले खानेपानी तथा सरसफाईमा विशेष ध्यान दिएको बताएका छन् । उनले नेपाल स्वास्थ्य अनुसन्धान परिषद्द्वारा राजधानीमा आयोजित तीन दिने तेस्रो राष्ट्रिय सम्मेलनको मंगलबार उद्घाटन गर्ने क्रममा यसको लागि मन्त्रालयले मन्त्रीपरिषद् समक्ष कार्ययोजना समेत पेश गरिसकेको बताएका छन् । ‘देशमा व्याप्त वायु प्रदुषण नियन्त्रण तथा न्यूनीकरणका लागि हामीले मन्त्रिपरिषद् समक्ष यस अघि नै कार्ययोजना पेश गरिसकेका छौ,’ मन्त्री थापाले भने, ‘यसबारे मन्त्रीपरिषद्को बैठकमा समेत छलफल हुनेमा हामी आशावादी छौ ।’ उनले यसका साथै मन्त्रीपरिषद्को बैठकले ‘राष्ट्रिय स्वास्थ्य वीमा नीति पारित गर्नेसमेत जानकारी दिए । अनलाइनखबर २०७३ चैत २९ गते १८:३२ मा प्रकाशित