'निर्भय'लाई निखिलको साथ, मोफसल प्रचारमा देखिए नीतासँगै
राजधानी बाहिरका दर्शकमाझ प्रत्यक्ष अनि स्थानिय मिडियाको सहयोगमा परोक्ष ढंगले नजिक पुग्ने अनि 'निर्भय'को बारेमा जानकारी पुर्याउन कलाकार सहितको निर्माण टिम मोफसल दौडाहामा निस्केको हो ।
यसअघि 'पिंजडा ब्याक अगेन'को छायांकनमा व्यस्त रहँदै निर्भय प्रचारमा कम देखिएका अभिनेता निखि उप्रेती पनि पब्लिसिटी 'ज्वाईन' गरेका छन् । चितवनबाट बुटवल हुँदै पोखरासम्म निखिल निर्माण टिम अनि अभिनेत्री नीता ढुङ्गानासँगसँगै पुगे, फिल्मको बारेमा बोले, आफ्ना कुरा राखे ।
आईतबार चितवनमा प्रेसमिट गरेको निर्माण टिमले सोमबार बुटवल र मंगलबार पोखरा पुग्दै फिल्मको बारेमा जानकारी गराएको थियो । प्रेसमिटसँगै सम्बन्धित शहरमा हरेक हलमा पुगेर दर्शकमाझ प्रत्यक्ष रुपमा फिल्मको बारेमा निर्माण टिमले जानकारी गराएको थियो ।
मोफसल प्रचारमा निर्माता देविप्रसाद पाण्डे, निर्देशक मधुसुदन भट्टराई, निखिल र नीतासँगै अर्का लिड कलाकार विकास चापागाईं छन् । 'निर्भय' टिम बुधबार सांझ राजधानी फर्किनेछ ।
फिल्मीखबर, काठमाडौं, 2017/03/21
Comments
Post a Comment