चुनाव विथोल्न वम विष्फोट

(फाइल फोटो) लमजुङ : लमजुङको राइनस नगरपालिकाको बगुवा डाँडा नजिकै बम पड्किएको छ । शनिबार राति ९ बजेर ८ मिनेट जाँदा राइनस-९ बगुवा डाँडा स्थित देविथान मन्दिर नजिकैको खरबारीमा बम पड्काइएको हो । एक्कासी बम पड्किएपछि मतदानका लागि तयार स्थानीयबासीमा त्रास फैलिएको छ । लमजुङका प्रहरी नायव उपरीक्षक समिरचन्द्र खरेलले बम पड्किएपछि अनुसन्धान भइरहेको जानकारी दिए । स्थानीयबासीले भने भोलि हुन लागेको निर्वाचन बिथोल्नका लागि बम पड्काइएको हुन सक्ने आशंका गरेका छन् ।चुनावको अघिल्लो रात वम विष्फोट गर्ने माओवादी विप्लप समूह हुन सक्ने प्रहरीले आशंका गरेको छ ।